Allar vörur

Ástarstafur

3,500 kr

Nánari texti fylgir vöru

Stærð: 18,5 x 12 cm

Ástarstafur – veggspjald

3,000 kr

Dagatal - Tíminn er eins og...

11,900 kr

Yfirskrift dagatalsins frá VEGG er vísun í ljóð atómskáldsins Steins Steinarrs úr ljóðabókinni Tíminn og vatnið frá árinu 1948. Bókin hefst á eftirfarandi ljóði:

Tíminn er eins og vatnið,
og vatnið er kalt og djúpt
eins og vitund mín sjálfs.

Og tíminn er eins og mynd,
sem er máluð af vatninu
og mér til hálfs.

Og tíminn og vatnið
renna veglaust til þurrðar
inn í vitund mín sjálfs.

Tíminn er stærð sem er erfitt að mæla en óhjákvæmilega stór þáttur í lífi allra. Hver og einn skynjar tímann á sinn hátt og margir upplifa að hann líði hratt eina stundina og hægt þá næstu, allt eftir aðstæðum. Flest förum við þó eftir sömu klukkunni og skipuleggjum okkur samkvæmt henni. Dagarnir geta oft verið annasamir og þá er gott að hafa dagatal við hönd til að skrifa niður verkefni nánustu framtíðar.

Dagatalið frá VEGG er úr sérstakri krítartöflufilmu sem hægt er að skrifa á bæði með venjulegri krít og krítartússi. Til að stroka út er best að þurrka af filmunni með rökum klút.

Hvítur krítartússpenni fylgir með dagatalinu en fleiri litir af slíkum pennum fást meðal annars í verslunum A4. Lituðu pennarnir koma einnig vel út á svörtum fleti líkt og sá hvíti. 

Stærð: 56 x 78 cm

Fúþark – veggspjald

3,000 kr

Þegar Ísland byggðist voru rúnir ritmál norrænna þjóða. Orðið rún þýddi upphaflega leyndarmál eða leynilegt tákn, notað til galdra. Rúnir voru ristar eða höggnar í hart efni eins og tré, horn eða stein og einkenndust af beinum línum og hvössum hornum. Rúnastafrófið sem var notað til forna kallast fúþark eftir fyrstu sex stöfum stafrófsins. Tæplega hundrað rúnaristur hafa fundist á Íslandi og sú elsta, sem fannst í Viðey, er líklegast frá tíundu eða elleftu öld. Áletranir þar sem fúþarkið stendur sjálfstætt, eins og í vegglímmiðanum, hafa fundist víða á Norðurlöndunum og talið er að slíkar áletranir hafi verið ritaðar til lærdóms eða jafnvel notaðar sem verndargripir.

Nánari texti fylgir vöru

Stærð: 40 x 50 cm

Ísland

2,500 kr

Vegvísir

3,500 kr

Vegvísir er íslenskur galdrastafur ætlaður til verndar gegn því að velja ranga leið. Samkvæmt heimildum á Vegvísirinn að koma í veg fyrir að sá sem hefur stafinn með sér villist í roki eða vonskuveðrum þótt hann ferðist um ókunna slóð. Galdrastafir geta verið táknrænir á annan hátt en í sinni beinu merkingu. Þó eiginleg merking hafi vísun í náttúruöfl geta þeir ekki síður verið ætlaðir til að hjálpa viðkomandi að öðlast andlegan styrk. Vegvísirinn er dæmi um þetta því hann má ekki einungis nýta til að rata rétta leið í vonskuveðri heldur einnig sem hugrænan áttavita til að villast ekki í hugsun og taka rétta stefnu í lífinu.

Nánari texti fylgir vöru

Stærð: 14,5 x 14,5 cm

Vegvísir – veggspjald

3,000 kr

Vegvísir er íslenskur galdrastafur ætlaður til verndar gegn því að velja ranga leið. Samkvæmt heimildum á Vegvísirinn að koma í veg fyrir að sá sem hefur stafinn með sér villist í roki eða vonskuveðrum þótt hann ferðist um ókunna slóð. Galdrastafir geta verið táknrænir á annan hátt en í sinni beinu merkingu. Þó eiginleg merking hafi vísun í náttúruöfl geta þeir ekki síður verið ætlaðir til að hjálpa viðkomandi að öðlast andlegan styrk. Vegvísirinn er dæmi um þetta því hann má ekki einungis nýta til að rata rétta leið í vonskuveðri heldur einnig sem hugrænan áttavita til að villast ekki í hugsun og taka rétta stefnu í lífinu.

Nánari texti fylgir vöru

Stærð: 40 x 50 cm

Vikutafla - Þannig týnist tíminn...

8,900 kr

Yfirskrift vikutöflunnar frá VEGG er vísun í texta íslenska tónlistarmannsins Bjartmars Guðlaugssonar við samnefnt lag hans. Fyrsta vers og viðlag eru á þessa leið:

Líkt og ástarljóð sem enginn fékk að njóta,
eins og gulnað blað sem geymir óræð orð,
eins og gömul hefð sem búið er að brjóta,
þar er ég, þar ert þú,
þar er allt það sem ástin okkur gaf.

Þannig týnist tíminn,
þannig týnist tíminn,
þannig týnist tíminn,
þó hann birtist við og við.

Tíminn er stærð sem er erfitt að mæla en óhjákvæmilega stór þáttur í lífi allra. Hver og einn skynjar tímann á sinn hátt og margir upplifa að hann líði hratt eina stundina og hægt þá næstu, allt eftir aðstæðum. Flest förum við þó eftir sömu klukkunni og skipuleggjum okkur samkvæmt henni. Dagarnir geta oft verið annasamir og þá er gott að hafa vikutöflu við hönd til að skrifa niður daglega rútínu.

Vikutaflan frá VEGG er úr sérstakri filmu sem hægt er að skrifa á með krítartússi. Til að stroka út er best að þurrka af filmunni með rökum klút.

Hvítur krítartússpenni fylgir með vikutöflunni en fleiri litir af slíkum pennum fást meðal annars í verslunum A4

Stærð: 26 x 48 cm

Ægishjálmur

3,500 kr

Ægishjálmur er íslenskur galdrastafur ætlaður til verndar. Stafurinn er frá tímum landnáms á Íslandi og var upphaflega notaður af víkingum gegn illum vættum, óvinum, yfirgangi eða reiði höfðingja. Þegar haldið var til orrustu báru þeir galdrastafinn á sér með því að rista hann í blýplötu og þrýsta honum á ennið, milli augnanna, þannig að táknið þrykktist á hörundið. Því næst var svohljóðandi formáli þulinn: „Fjón þvæ ég af mér fjanda minna rán og reiði ríkra manna.“ Við þetta töldu víkingarnir sig öðlast takmarkalausa vernd, kraft og hugrekki til að sigrast á fjandmönnum sínum.

Nánari texti fylgir vöru

Stærð: 14,5 x 14,5 cm

Ægishjálmur – veggspjald

3,000 kr

Ægishjálmur er íslenskur galdrastafur ætlaður til verndar. Stafurinn er frá tímum landnáms á Íslandi og var upphaflega notaður af víkingum gegn illum vættum, óvinum, yfirgangi eða reiði höfðingja. Þegar haldið var til orrustu báru þeir galdrastafinn á sér með því að rista hann í blýplötu og þrýsta honum á ennið, milli augnanna, þannig að táknið þrykktist á hörundið. Því næst var svohljóðandi formáli þulinn: „Fjón þvæ ég af mér fjanda minna rán og reiði ríkra manna.“ Við þetta töldu víkingarnir sig öðlast takmarkalausa vernd, kraft og hugrekki til að sigrast á fjandmönnum sínum.

Nánari texti fylgir vöru

Stærð: 40 x 50 cm